لە مەراسیمێکدا، سەرۆکى رووسیا لکاندنی چوار ناوچەى ئۆکرانیاى بە رووسیاوە راگەیاند کە پێش چەند رۆژێک ریفراندۆمى تێدا ئەنجامدرابوو وە 15%ى خاکى ئۆکرانیا پێکدەهێنن.
لە مەراسیمەکەدا، ڤلادیمێر پوتین رایگەیاند، هەرێمەکانى دۆنێتسک و لوهانسک و خێرسۆن و زاپۆریژییا، دەچنە پاڵ رووسیا.
جەختیشى کردەوە، ئەو ناوچانە ناوچەى رووسین و لەچەندین ساڵە باب و باپیرانمان خوێنیان بۆى رشتووە و دانیشتوانەکەى بە رووسى قسە دەکەن و خاکەکە خاکى رووسیایە.
هەروەک پەیامێکى ئاراستەى وڵاتانى ئەوروپا و ئەمەریکا کرد و پێى وتن،” بۆ هەتا هەتایە ئەو ناوچانە هى رووسیان و بەشێکن لە رووسیا”.
داواشى لە زێلنسکى و ئۆکرانیا کرد، رێز لە دەنگ و ئیرادەى خەڵک بگرێت و شەڕ بوەستێنێت.
پێشتر بەرپرسانی پاڵپشتی رووسیا بانگەشەى ئەوەیان کردبوو ریفراندۆمەکە ماوەی پێنج رۆژى خایاند ، پشتگیرییەکی تەواوی جەماوەری مسۆگەر کردووە.
لەبارەى ریفراندۆمەکەوە، لاى خۆیەو ڤۆلۆدیمیر زێلێنسکی سەرۆکی ئۆکرانیا وتی،” ریفراندۆمە ساختەکان” بێ بەهان و واقیعیان نەگۆڕیوە. “یەکپارچەیی خاکی ئۆکرانیا دەگەڕێتەوە و کاردانەوەمان بەرامبەر بە داننان بە ئەنجامەکان لەلایەن روسیاوە زۆر تووند دەبێت.”
ئەم هەنگاوەى رووسیا کاردانەوەى نێودەوڵەتى بەدواى خۆیدا هێنا و هەر زو کۆشکى سپى وتی گەڕێکى دیکەى سزا بەسەر مۆسکۆدا دەسەپێنین، هاوکات وڵاتانى ئەندام لە یەکێتى ئەوروپاش بیر لەوە دەکەنەوە گەڕى هەشتەمینى سزاکانیان جێبەجێ بکەن و سزا بۆ هەر کەسێک دیارى بکەن کە دەستى لە دەنگدانەکەدا هەبوبێت.
1
گۆڕانکاری کۆیلایەتی لە رابردووەوە تاوەکو ئەمڕۆ
2
بەربەستەکانی دەوروبەری کەعبەی پیرۆز لادەبرێن
3
ئەمریکا: ژنانی ئێران تەنها لە پێناوی شکۆی خۆیاندا خۆپیشاندان دەکەن
4
نیگەرانییەکانی بەدەستهێنانی وزە لە ئەوڕووپا بەردەوامە و وڵاتەکان چ رێوشوێنێکیان گرتووەتەبەر؟
5
پاکستان… لە رووداوێکی هاتووچۆدا نزیکەی 60 کەس بوونە قوربانی
