نێردەی تایبەتی سکرتێری گشتیی نەتەوە یەکگرتووەکان لە عێراق، دۆخی سیاسیی عێراقی بە “هەستیار” ناوبرد و رایگەیاند، “تاکو ئێستا لایەنە کوردییەکان لەسەر بەربژێری سەرۆککۆمار رێکنەکەوتوون”.
جێنین هێنس پلاسخارت، نێردەی تایبەتی سکرتێری گشتیی نەتەوە یەکگرتووەکان لە عێراق راپۆرتی وەرزی لەبارەی دۆخی عێراق پێشکەشی ئەنجومەنی ئاسایشی نێودەوڵەتی کرد.
جێنین هێنس پلاسخارت لەبارەی هەوڵەکان بۆ پێکهێنانی حکومەتی نوێ لە عێراق ئاماژەی بەوەکرد، تەواوی هەوڵی خۆیان خستووەتەگەڕ بۆ ئەوەی دیالۆگ سەرکەوتن بەدەستبهێنێت و رێز لە بنەما دیموکراتییەکان بگیرێت و کاری جیددی بکرێت بۆئەوەی حکومەت پێکبهێنرێت و حکومەتەکەش بتوانێت وەڵامیی داخوازییەکانی خەڵكی بداتەوە و رووبەڕووی گەندەڵی ببێتەوە.
پلاسخارت،
پلاسخرات پێیوایە، دۆخی عێراق “هەستیارە” و دەبێت ئەم قۆناغە گۆڕانکاریی بەسەردا بێت. پرۆسەی سیاسیی عێراق بە “شکست” خواردوو ناودەبات و بە هۆکاری سەرەکی دەستپێکردنەوەی خۆپێشاندانەکانیشی دەزانێت.
ناوبراو باسی لە دوایین خۆپێشاندانەکانی عێراق کرد کە تیایدا ژمارەیەک هاووڵاتی کوژران و برینداربوون و دووپاتیکردەوە، ئەوە مایەی “نیگەرانی جیدیمانە.” وتیشی، “دەبێت هەوڵەکان بخرێنەگەڕ بۆ چارەسەرکردنی ئەو دۆخەی لەماوەی دوو دەیەی رابردوودا هەبووە بە مەبەستی نەهێشتی کێشەکان”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
