پارێزگایەکی عێراق بەهۆی گەرماوە ماوەی دەوام کەم دەکاتەوە
بەهۆی بەرزبوونەوەی پلەکانی گەرما، پارێزگای واست بریاریدا بۆ ماوەی یەک مانگ، کاتەکانی دەوامکردنی فەرمی لە دامودەزگاکانی حکومەت کەم بکاتەوە.
ئەمڕۆ شەممە 23ـی 7ـی 2022، پارێزگای واست لە نووسراوێکدا کە ئاراستەی دامودەزگا حکومییەکانی کردووە، باسی لەوە کردووە کە بەهۆی بەرزبوونەوەی پلەکانی گەرما لە سنووری پارێزگا، ماوەی دەوامکردن یەک کاتژمێر کەمکراوەتەوە.
هاوکات ئاماژە بەوەدراوە کە بریارەکە لە سبەی یەکشەممەوە دەچێتە بواری جێبەجێکردن.