پارێزگایەکی دیکەی عێراق پشووی فەرمی رادەگەیەنێت
ئەمڕۆ شەممە، پارێزگای موسەننا بۆ ماوەی دوو رۆژ پشووی فەرمی لە دامودەزگاکانی حکومەت راگەیاند.
پارێزگای موسەننا لە بەیاننامەیەکدا رایگەیاندووە، "بەبۆنەی چلەی شەهیدکردنی ئیمامی حوسێن، رۆژانی چوارشەممە و پێنجشەممە 14 و 15ـی ئەیلوولی 2022، دەوامی فەرمانبەران لە گشت دامودەزگاکانی حکومی پشووی فەرمی دەبێت".
ئەوەش هاتووە، "لە چوارچێوەی ئەم بڕیارەدا، تاقیکردنەوە تەواونەکراوەکانی خوێندن بۆ دوای یادی چلەی شەهیدکردنی ئیمامی حوسێن دوادەخرێن.
پێشتریش بەهەمان بۆنەوە، ماوەی پێنج رۆژ پشوو لە پاریزگای کەربەلا راگەیەندرابوو.