ئهمڕۆ سێشهممه 07-06-2022، شاندی پارتی دیموكراتی كوردستان و یهكێتی نیشیمان كوردستان پرسی دهستوور و ههڵبژاردنی پهرلهمانی كوردستانیان تاوتوێكرد.
دوای كۆبوونهوهی نێوان ههردوو حیزب، راگهیانراوێكی هاوبهشیان بڵاوكردهوه و لە دهقی راگهیاندراوەکەدا هاتووە:
رۆژی 7 ى 6 ى 2022، كۆبوونهوهی شاندی پارتی دیموكراتی كوردستان و یهكێتی نیشتیمانی كوردستان له ههولێر سهبارهت به گفتوگۆ لهسهر پرسی دهستوور ههڵبژاردنی پهرلهمانی كوردستان وهك دوو پرسی نیشتیمانی بهڕێوهچوو.
1- ههردوولا هاوڕابوون لهسهر پێویستی نووسینهوهی دهستووری ههرێمی كوردستان، بۆ ئهم مهبهسته پێویسته دهست بهئامادهكاری یاسایی بكرێت.
2- پرسی ههڵبژاردنی پهرلهمانی كوردستان وكۆمیسیۆنی ههڵبژاردنهكان وهك دوو پرسی نیشتیمانی پێویستییان بهگفتوگۆی زیاتر و سازانی سهرجهم هێزه سیاسییهكانی كوردستانه بۆ گهیشتن بهڕێككهوتنێكی گشتگیر.
3- بڕیاردرا كۆبوونهوهی نێوان ههردوولا بهردهوام بێت.