وەزیری ناوخۆی تورکیا رایگەیاند، ئەنجامدەری تەقینەوەکەی دوێنێی شەقامی ئیستقلالی ئیستانبوڵ-یان دەستگیرکردووە و دەڵێت: بڕیاری تەقینەوەکە لە کۆبانێ دراوە.
سلێمان سۆیلۆ، وەزیری ناوخۆی تورکیا لە لێدوانێکی رۆژنامەوانیدا کە لە شەقامی ئیستقلال (شوێنی تەقینەوەکە) ئەنجامیدا، ئاشکرایکرد، ئەنجامدەری تەقینەوەی شەقامی ئیستقلالی ئیستانبوڵ دەستگیرکراوە.
وتیشی، “بەگوێرەی لێکۆڵینەوەکان ئەنجامدەری تەقینەوەکە لە عەفرین هاتووەتە ناو خاکی تورکیا و بڕیاری تەقینەوەکە لە کۆبانێ دراوە”.
سولەیمان سۆیلۆ، ئەوەشی روونکردەوە، “بەگوێرەی ئەو بەڵگانەی دەستمان کەوتوون پەکەکە و پەیەدە لە تەقینەوەکەی ئیستانبوڵ بەرپرسیارن”.
جێی باسە، دوێنێ یەکشەممە، لە ئەنجامی تەقینەوەی بۆمبێک لە شەقامی ئیستقلال لە ئیستانبوڵ 6 کەس گیانیان لەدەستدا و 81 کەسی دیکەش برینداربوون کە پێنج لەوان باری تەندروستییان ناجێگیرە.
1
کونسوڵخانەی گشتی تورکیا لە هەولێر کەمپینێکی راگەیاند
2
وادەى جەژنى قوربان دیارى کرا
3
ئێران: بەرگەی دهستدرێژی ئهو گروپانه ناكهین كه له ههرێمی كوردستانن
4
گەشتە ئاسمانییەکانی فڕۆکەخانەی ئیستانبوڵ راگیرا
5
ژمارهی گیانلهدهستدانی ژێرئاوكهوتنی بهلهمێكی كۆچبهران لهكهناراوهكانی سووریا بهرزدهبێتهوه
