بە بڕیارى وەزیرى پەروەردەى عێراق، کامێراى چاودێرى لە سەرجەم قوتابخانەکانى عێراق دادەنرێت.
بەگوێرەى نووسراوێک کە ریاز ساعدی، بەڕێوەبەرى گشتیى وەزارەتى پەروەردەى عێراق ئاراستەى سەرجەم قوتابخانەکانى عێراقى کردووە، تیایدا بڕیارێکى وەزیرى پەروەردەى پێ راگەیاندوون، بەوەى دەبێت کامێراى چاودێرى لە سەرجەم قوتابخانەکان دابندرێن.
نووسراوەکە لە یەکى شوبات دەرکراوە، تیایدا هاتووە، “پێویستە ئەو کامێرایانە لە سەرجەم بەشەکانى قوتابخانەکان دابنرێن و هۆکارى دەرکردنى بریارەکەى گەڕاندووەتەوە بۆ زۆربوونى چەند رووداوێک کە بەمدواییە لە قوتابخانەکاندا روویانداوە، تاکو گیانى قوتابیان و مامۆستایان پارێزراو بن”.
ئەم بڕیارەى وەزارەتى پەروەردەى عێراق دواى ئەوەدێت، کە بەرلە سێ رۆژ تەرمی قوتابییەکی قۆناغی سەرەتایی بە کوژراوی لە توالێتی قوتابخانەیەکی شاری کوت-ی ناوەندی پارێزگای واست دۆزرایەوە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
