وەزارەتی نەوتی عێراق رایدەگەیەنێت: چەند پرۆژەیەکی ستراتیژیی بۆ زیادکردنی یەدەگی نەوت و غاز جێبەجێ دەکەن کە چوار پرۆژەى ستراتیژیی لەسەر سنووری وڵاتانی سووریا، سعوودیە، کوێت و ئێران لەخۆ دەگرێت.
عەلی جسام حەمود، بەڕێوەبەری کۆمپانیای دۆزینەوە نەوتییەکانی سەر بە وەزارەتی نەوتی عێراق رایگەیاند: لە بەرنامەیاندایە یەدەگی نەوت و غازی وڵات بگەیەننە ئاستێکی بەرزتر و بۆ ئەو مەبەستەیش، چەند پرۆژەیەکی ستراتیژییان دەبێت.
ئاماژەی بەوەش کرد، لەو چوارچێویەدا، بۆ بونیادنانی چەند پرۆژەیەکی ستراتیژیی لە سەر سنووری وڵاتانی سووریا، سعوودیە، کوێت و ئێران دەستیان بە گەڕان کردووە.
حەمود، باسی لەوەش کردووە، دو پڕۆژەیان هەن کە لەگەڵ کۆمپانیای تۆتاڵی فەرەنسی بۆ پەرەپێدانى کێڵگەی ئەرتاوی لە گفتوگۆدان بۆ جێبەجێکردنیان و لەگەڵ کۆمپانیای سینۆتیکی چینییش هەماهەنگییان هەیە بۆ روپێویی لە بەشی وشکانیی کێڵگەکانیان لە بەشی کەنداو.
