ئەمڕۆ پێنجشەممە 02-06-2022، وەزارەتی دارایی و ئابووریی حکومەتی هەرێم رایگەیاند، “رۆژی دووشەممەی داهاتوو 06-06-2022 دەست بە دابەشکردنی مووچەی مانگی ئایار دەکرێت”.
بەپێی راگەیێندراوەکە دابەشکردنی مووچە بە هەمان خشتەی مانگی رابردوو دەبێت، کە بە دابەشکردنی مووچەی وەزارەتی تەندروستی دەستپێدەکات و بە خانەنشینی پێشمەرگە کۆتایی دێت.
خشتەی دابەشکردنی مووچەی مانگی ئایاری 2022 بەمشێوەیە دەبێت:
رۆژی دووشەممە 06-06-2022: وەزارەتی تەندروستی.
رۆژی سێشەممە 07-06-2022: وەزارەتی پێشمەرگە و یەکەکانی 70 و 80
رۆژی چوارشەممە 08-06-2022: وەزارەتی ناوخۆ، وەزارەتی دارایی و ئابووری، رەگەزنامە و لیوای نەوت و گاز
رۆژی پێنجشەممە 09-06-2022: هێزەکانی زێرەڤانی و بەرگری و فریاکەوتن
رۆژی یەکشەممە 12-06-2022: وەزارەتی شەهیدان و ئەنفالکراوان، کەسوکاری شەهیدان و ئەنفالکراوان و زیندانیانی سیاسی
رۆژی دووشەممە 13-06-2022: وەزارەتی پەروەردە
رۆژی سێشەممە 14-06-2022: ئەنجوومەنی ئاسایش، دەزگای گشتیی ئاسایش، وەزارەتی کار و کاروباری کۆمەڵایەتی و خاوەن پێداویستی تایبەت (کەمئەندامان).
رۆژی چوارشەممە 15-06-2022: وەزارەتی داد، وەزارەتی ئەوقاف و كاروباری ئایینی، ئەنجومەنی دادوەری، دیوانی چاودێریی دارایی، دەستەی مافی مرۆڤ، دەستەی ناوچە كوردستانییەكانی دەرەوەی هەرێم، دەستەی ژینگە، دەستەی وەبەرهێنان، دەستەی دەستپاكی، كۆمسیۆنی باڵای هەڵبژاردن و راپرسی، دەزگای گشتی كاروباری مین
رۆژی پێنجشەممە 16-06-2022: وەزارەتی پلاندانان، وەزارەتی پیشەسازی و بازرگانی، وەزارەتی سامانە سرووشتییەكان، وەزارەتی گواستنەوە و گەیاندن و وەزارەتی کشتوکاڵ و سەرچاوەکانی ئاو.
رۆژی شەممە، یەکشەممە و دووشەممە کە دەکاتە 18و19و20-06-2022: خانەنشینی شارستانی
رۆژی سێشەممە 21-06-2022: وەزارەتی ئاوەدانکردنەوە و نیشتەجێکردن و وەزارەتی رۆشنبیری و لاوان
رۆژی چوارشەممە 22-06-2022: وەزارەتی کارەبا و وەزارەتی خوێندنی باڵا و توێژینەوەی زانستی
رۆژی پێنجشەممە 23-06-2022: وەزارەتی شارەوانی و گەشتوگوزار، سەرۆکایەتی هەرێم، ئەنجومەنی وەزیران، سەرۆکایەتی پەڕلەمان.
رۆژی یەکشەممە و دووشەممە 26 و 27-06-2022: خانەنشینی پێشمەرگە
