پارێزگاری سلێمانی رایگەیاند، لە کۆبوونەوەی ئەمڕۆیاندا لەگەڵ سەرۆکی حکومەتی هەرێم و جێگرەکەی، 40 هۆکاری کەمبوونەوەی داهاتییان خستووەتەڕوو، وتیشی، “لە کۆبوونەوەکەدا بڕیاردرا پێش 25ـی مانگ لیستی مووچە ئامادەبکرێت”.
هەڤاڵ ئەبوبەکر، پارێزگاری سلێمانی ئاماژەی بەوەکرد، لە کۆبوونەوەکەی ئەمڕۆ، یاساییانە هۆکاری کەمبوونەوەی داهاتییان خستووەتەڕوو، ئاشکراشیکرد، “لە کۆبوونەوەکەدا بڕیاری گرنگ درا، بڕیاردرا مووچە لە یەککات و بەیەکەوە وەربگیرێت، بڕیاردرا دابەشکردنی مووچە پێش خەرجییەکانی دیکە بخرێت، هەروەها بڕیاردرا لەمەودوا پێش 25ـی مانگ لیستی مووچە ئامادەبکرێت”.
پارێزگاری سلێمانی ئاماژەی بەوەدا، دابەشکردنی مووچە لەکاتی خۆیدا وادەکات داهات زیاتربێت، وتیشی، “لە رۆژانی داهاتوو لێژنەی تایبەت بەدواداچوون بۆ داهات دەکات، ئەگەر بڕیارەکانی ئەمڕۆ جێبەجێ بکرێن مووچەی سلێمانی دواناکەوێت”.
پارێزگاری سلێمانی لە درێژەی وتەکانیدا جەختی لەوەکردەوە، “داواكرا داهاتی گشتی زیاد بكه‌ین و كه‌س زاتی ئه‌وه نه‌كات ده‌ست بۆ داهاتی گشتی به‌رێت، جدییه‌ت و مكوڕی له كۆبوونه‌وه‌كه‌دا هه‌بوو”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
