هەولێر.. 13 پڕۆژەی خزمەتگوزاری لە سنووری پارێزگاکە جێبەجێدەکرێت
وەزارەتی شارەوانی و گەشتوگوزار رەزامەندی دا لەسەر خەرجكردنی گوژمەی 318 ملیۆن و 293 هەزار دینار بۆ جێبەجێكردنی 13 پرۆژەی تایبەت بە درێژكردنەوەی تۆڕەكانی ئاو و دروستكردنی ئاوەڕۆ و كڕینی پێداویستی بۆ پرۆسەی بەرهەمهێنان و دابەشكردنی ئاوی خواردنەوە لە سنووری بەڕێوەبەرایەتیی ئاو و ئاوەڕۆی هەولێر(ئەربیل).
گوژمەكەش بە گوێرەی چەند فەرمانێكی وەزاری و لەسەر رێژەی 17%ی داهاتی بەڕێوەبەرایەتیی ئاو و ئاوەڕۆی هەولێر خەرج دەكرێت.
پرۆژەكان بریتین لە:
- درێژكردنەوەی تۆڕی ئاو لە گەڕەكی سەیداوە.
- دروستكردنی پرۆژەی ئاوەڕۆی لوولەیی لە گەڕەكی خەبات.
- درێژكردنەوەی تۆڕی ئاو لە گەڕەكی گوڵان لە بنەسڵاوە.
- دروستكردنی ئاوەڕۆی لوولەیی لە گرد محەمەد.
- كڕینی ماتۆڕی غەتاس بۆ بیرەكانی ئاوی هەولێر.
- چاككردنەوەی كارەبا بۆ وێستگەی پاڵاوگەی ئاوی ئیفراز/1
- كڕینی ڕوون و سیئویل و ئاوی ڕادێتەر و هایدرۆلیك بۆ ئامێر و موەلیدەكان.
- دروستكردنی ئاوەڕۆی لوولەیی لە گەڕەكی نیشتمان.
- درێژكردنەوەی تۆڕی ئاو لە ناو پێشانگەكانی ئۆتۆمبێل.
- درێژكردنەوەی تۆڕی ئاو لە گەڕەكی ژین لە دارەتوو.
- درێژكردنەوەی تۆڕی ئاو لە گەڕەكی تەعجیل لە ناو بازاڕی باتە.
- دروستكردنی ئاوەڕۆی لە گەڕەكی سەفین لە پشت وەزارەتی پێشمەرگە.
- چاككردنەوەی تڕۆمپای بۆ وێستگەی پاڵاوتنی ئاوی ئیفراز/2 لۆلیفت.