ئەمڕۆ یەکشەممە 14ـی 8ـی 2022، مەسرور بارزانی، سەرۆکی حکومەتی هەرێمی کوردستانی عێراق پێشوازیی لە هادی عامری، سەرۆکی هاوپەیمانی فەتح و شاندێکی یاوەری کرد.
لەوبارەیەوە مەسرور بارزانی لە تۆڕی کۆمەڵایەتی فەیسبووک رایگەیاندووە، “ئێوارەی ئەمرۆ یەکشەممە پێشوازیمان لە بەڕێز هادی عامری، سەرۆکی هاوپەیمانیی فەتح کرد.لە دانیشتنەکەدا دوا رەوشی عێراق و پەیوەندییەکانی هەرێم و بەغدا گفتوگۆی لەسەر کرا”.
هاوکات لە راگەیەندراوەکەدا هاتووە، “سەرۆکی ھاوپەیمانێێ فەتح ئاماژەی بەوەدا کە هەرێمی کوردستان و سەرکردایەتیەکەی رۆلێکی کارایان لە هاوکێشە سیاسییەکانی عێراقدا هەیە، بۆیە پێویستە هەموو لایەنەکان و پێکهاتەکانی عێراق ڕێگەی گفتوگۆ بگرنەبەر و هەوڵەکانیان چڕ بکەنەوە تاکو عێراق لەو دۆخە مەترسیدارە رزگار بکەن”.
لە بەشێکی دیکەی راگەیەندراوەکەدا مەسرور بارزانی دەڵێت، “پالپشتیی حکومەتی هەرێمان بۆ هەموو جۆرە دانوستان و گفتوگەیەک دەربڕی کە لە سەر بنەمای یەکترقبولکردن و بەهێز کردنی متمانەی نێوان گشت پێکهاتەکانی عێراق بێت. هەروەها ئاماژەی بەوە دا کە پێکهاتەکانی عێراق زۆر بەرژەوەندیی هاوبەشیان هەیە کە دەکرێت ببنە بنەمای لەیەکتر نزیکبوونەوە و چارەسەری کێشەکان”.
هەروەها لە کۆبوونەوەکەدا سەرۆکی حکومەت جەختی لەوە کردووەتەوە کە جێبەجێ کردنی دەستور لە بەرژەوەندیی هەموو پێکهاتەکانە و عێراق دەخاتە سەر ڕاستەڕێی پێشکەوتن و بووژانەوە.