بەرپرسانی یەکێتیی نیشتمانیی کوردستان بە گرنگییەوە لە سەردانەکەی نێچیرڤان بارزانی، سەرۆکی هەرێمی کوردستانی عێراق دەڕوانن و رایدەگەیێنن، سەرۆکی هەرێم قسەی لای هەمووان قبووڵکراوە و پێشتریش لەو دۆخانەدا دەستپێشخەریی هەبووە کە ناتەبایی زیاتر بەسەر لایەنە سیاسییەکاندا زاڵ بووە.
مستەفا چاوڕەش، بەرپرسی یەکەی 70ـی هێزەکانی پێشمەرگە سەردانەکەی نێچیرڤان بارزانی بۆ سلێمانی بە گرنگ هەژماردەکات و دەڵێت، “هاتنی جەنابی کاک نێچیرڤان بارزانی خۆی لە خۆیدا هەنگاوێکی پیرۆزە، ئێمە هەموومان چاومان لەوەیە ئەم هاتنە ببێتە مایەی خێر و خۆشی و چارەسەرکردنی ئەو هەموو گرفتەی کە لە کوردستان لەنێوانی لایەنەکاندا هەیە، بە تایبەتی یەکێتیی نیشتمانیی کوردستان و پارتی دیموکراتی کوردستان”.
هاوکات وەستا حەسەن، ئەندامی سەرکردایەتیی یەکێتیی نیشتمانیی کوردستان تایبەت بە سەردانەکەی سەرۆکی هەرێم وتی، “سەردانەکەی بەڕێز نێچیرڤان بارزانی، دەستپێشخەرییەکی باشە بۆ ناوچەی سلێمانی و ئەگەر بێتو کۆبوونەوە لەگەڵ لایەنە سیاسییەکانی کورد بکات بۆ یەکڕیزی”.
لەئێستادا سەرۆکی هەرێم لە سلێمانی لەگەڵ بافڵ تاڵەبانی، هاوسەرۆکی یەکێتی نیشتمانیی کوردستان و ئەندامانی ئەو حیزبە لە کۆبوونەوەدایە و بڕیارە لەگەڵ هەریەکە لە سەلاحەدین محەممەد بەهادین، ئەمینداری گشتی یەکگرتووی ئیسلامی کوردستان و عەلی باپیر، ئەمیری کۆمەڵی دادگەری و بەرپرسانی بزووتنەوەی گۆڕان کۆببێتەوە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
