شانەی راگەیاندنی ئەمنی عێراق بڵاویکردەوە، کەمێک لەمەوبەر نۆ مووشەک ئاڕاستەی ناوچەی سەوز کراون، لە ئەنجامیشدا ژمارەیەک ئەندامی هێزە ئەمنییەکان و هاووڵاتیانی مەدەنی برینداربوون.
شانەی راگەیاندنی ئەمنی عێراق ئەمڕۆ پێنجشەممە لە راگەیەندراوێکدا ئاماژەی بەوەشکردووە، کەمێک لەمەوبەر ناوچەی سەوزی بەغداد و دوروبەری لەرێگەی نۆ مووشەکی کاتیۆشاوە کرایە ئامانج.
ئەوەشی خستوەتەڕوو، لە ئەنجامی هێرشەکەشدا ژمارەیەک ئەندامی هێزە ئەمنییەکان و هاووڵاتی مەدەنی برینداربوون.
شانەی راگەیاندنی ئەمنی عێراق زانیاری زیاتر لەسەری زیانەکان و ئەو لایەنەی کە گومان دەکرێت هێرشەکەی ئەنجامدابێت، بڵاونەکردووەتەوە بەڵام باسی لەوەکردووە کە لە چەند کاتژمێری داهاتودا زانیاری زیاتر بڵاودەکاتەوە.
هاوکات بەپێی بڵاوکردەنەوەی چەند ڤیدیۆیەک لە سۆشیال میدیا، چەند ئۆتۆمبێلێکی ئەندامانی پەرلەمان بەهۆی مووشەکەکانەوە زیانیان بەرکەوتووە و چەند مووشەکێکیش بە مزگەوتێکی نزیک پەرلەمانی عێراق کەوتووە.
هێرشە موشەکییەکەی سەر ناوچەی سەوز لەکاتێکدایە، ئەمڕۆ پەرلەمانی عێراق لەبارەی هەڵبژاردنی سەرۆککۆمار کۆدەبێتەوە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
