بەهۆی نیگەرانی لە بەرزکردنەوەی سوودی بانکی لە ئەمریکا لە مانگی داهاتوودا و هەروەها بەرزبوونەوەی بەهای دۆلار، نرخی نەوت لەدوای کرانەوەی بازاڕەکانی ئاسیا دابەزی.
بەرەبەیانی ئەمڕۆ دووشەممە 24-10-2022، بەرمیلێک نەوتی برێنت 41 سەنت دابەزی و بە 93 دۆلار و 9 سەنت مامەڵەی پێوەکرا.
هەروەها بەرمیلێک نەوتی رۆژئاوای تێکساس 41 سەنت دابەزی و بە 84 دۆلار و 64 سەنت مامەڵەی پێوەکرا.
هاوکات، هەر ئۆنسەیەک زێڕ بە رێژەی 0.2٪ بەرزبووەوە و گەیشتە 1659 دۆلار.
