سەرۆکوەزیرانی عێراق بەمەبەستی بەشداریکردن لە ساڵیادی کۆچی دوایی مام جەلال سەردانی هەولێر(ئەربیل)ـی کرد و لەگەڵ سەرکردایەتی هەرێم کۆبوویەوە.
کۆبوونەوەی مەسعود بارزانی و مستەفا کازمی:
بارەگای بارزانی، رۆژی دووشەممە 03-10-2022، لە راگەیێندراوێکدا ئاماژەی بەوەداوە. مەسعود بارزانی ئەمڕۆ لە سەڵاحەدین پێشوازی لە مستەفا كازمی، سەرۆكوەزیرانی عێراق كرد.
بارەگای بارزانی راشیگەیاندووە، “لە دیدارەكەدا بیروڕا لەبارەی بارودۆخی سیاسیی عێراق و دوا پێشهاتەكانی ئەو پرۆسە ئاڵوگۆڕكران؛ هەروەها جەختكرایەوە لەسەر گرنگی پشتبەستنی لایەنەكان بە دیالۆگ و لە یەکتر تێگەیشتن”.
باس لەوەشکراوە، “لە بەشێكی دیکەی كۆبوونەوەکەدا ئاڵنگارییە ئەمنییەکان و هاوئاهەنگی هاوبەشی نێوان هەولێر و بەغداد بە تایبەتی بۆ رووبەڕووبوونەوەی تیرۆر و دەستەبەركردنی سەقامگیری تاوتوێكران”.
کۆبوونەوەی نێچیرڤان بارزانی و مستفا کازمی:
رۆژی دووشەممە 03-10-2022 نێچیرڤان بارزانی، سەرۆکی هەرێم لە هەولێر پێشوازی لە مستەفا کازمی، سەرۆکوەزیرانی عێراق کرد و لە دیدارێکدا دوایین پێشهاتە سیاسییەکانی عێراق، هه‌وڵه‌كانى حكومه‌تى عێراق و هه‌رێم بۆ لێكنزيككردنه‌وه‌ى لايه‌نه سياسييه‌كان و پاراستنى ئاشتيى ناوخۆيى، تاوتوێ كران.
بەپێی راگەیێندراوی سەرۆکایەتیی هەرێم، هەردوولا جەختیان لەوە کردووەتەوە، کە پێويسته رێز له سه‌روه‌ريى عێراق بگيرێت و ره‌تيانكرده‌وه عێراق بكرێته گۆڕه‌پانى يه‌كلاكردنه‌وه‌ى ناكۆكييه هه‌رێمييه‌كان، هه‌روه‌ها دووپاتيان كرده‌وه كه عێراق و هه‌رێم پابه‌ندن به په‌يوه‌نديى دۆستانه له‌گه‌ڵ وڵاتانى دراوسێ و به‌وه‌ى خاكى عێراق نه‌بێته سه‌رچاوه‌ى هه‌ڕه‌شه بۆ ئه‌و وڵاتانه.
کۆبوونەوەی مەسرور بارزانی و مستەفا کازمی:
ئەمڕۆ دووشەممە 03-10-2022، مەسرور بارزانی، سەرۆکی حکومەتی هەرێم پێشوازی لە مستەفا کازمی، سەرۆکوەزیرانی عێراق کرد و لە کۆبوونەوەکەدا گفتوگۆ دەربارەی کێشەکانی نێوان هەرێم و حكومەتی فیدراڵی کرا.
هاوکات، هەردوولا جەختیان لە پێویستیی بەردەوامبوونی گفتوگۆ كردەوە بەمەبەستی تێپەڕاندنی ئاستەنگەكان.
ئاماژە بەوەشدرا، ژماره‌یه‌ک بابەتی تایبەت بە گوزەرانی هاووڵاتییانی هه‌رێم تاووتوێ کران و هەردوولا هاوڕابوون لەسەر ئەوەی، پێویستە بەرژەوەندی هاووڵاتییان بە سەرجەم پێکهاتەکانەوە و ماف و شایستە دەستوورییەکانیان لە سەرتاسەری وڵات، بە هەرێمەوە، لە پێشینەی کارەکاندا بێت.
هەروەها جەخت لە پێویستیی بەردەوامبوونی كۆبوونەوە هاوبەشەكان و مامەڵەكردن بەشێوەیەکی جیددی لەگەڵ هەموو دۆسییەکان و رەخساندنی هەلومەرجی باش بۆ گفتوگۆی بنیاتنەرانە کرا، كە ببێتە هۆی چارەسەرەکردنی کێشەکان لە چوارچێوەی دەستووردا.
راگەیەندراوی نووسینگەی سەرۆکوەزیرانی عێراق:
هاوکات، نووسینگەی راگەیاندنی سەرۆکوەزیرانی عێراق، لە هەژماری خۆیدا لە تویتەر رایگەیاند، لە دیدارەکەی کازمی و مەسعود بارزانی باس لە “گرنگی پشتبەستن بە گفتوگۆی نیشتمانی لە نێوان هەموو لایەنە سیاسییەکان کرا بۆ دەربازبوون لەو بنبەستە سیاسییەی کە کاریگەری لەسەر دۆخی گشتیی عێراق داناوە و هەڕەشەی تێکدانی سەقامگیری دەکات.
نووسینگەی راگەیاندنی کازمی ئەوەشی دووپاتکردەوە، هەر لە دیدارەکەدا هەردوولا جەختیان لەسەر گرنگی بەردەوامی هاوئاهەنگیی هاوبەشی نێوان هەولێر و بەغداد لە چەند بابەتێک کردەوە، لەوانە رووبەڕووبوونەوەی تیرۆر و دەستدرێژییە بەردەوامەکان بۆ سەر خاکی عێراق لەگەڵ رێگرتن لەوەی لە خاکی عێراقەوە هەڕەشە لە وڵاتانی دراوسێ بکرێت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
