ئەمڕۆ پێنجشەم 17-11-2022، مەسرور بارزانی، سەرۆکی حکومەتی هەرێمی کوردستانی عێراق لە شاری دهۆک، پێشوازی لە ئەلینا رۆمانۆسکی، باڵیۆزی ئەمەریکا لە عێراق کرد.
لە کۆبوونەوەکەدا گفتوگۆ دەربارەی بارودۆخی گشتیی عێراق و پەرەپێدانی پەیوەندییەکانی هەرێم و ئەمەریکا کرا.
هەردوولا هاوڕابوون لە سەر ئەوەی کە ئێستا دەرفەتێکی نوێ هاتووەتە ئاراوە بۆ چارەسەرکردنی کێشەکانی نێوان هەرێم و حکومەتی فیدراڵی، بە شێوەیەکی بنەڕەتی و لەسەر بنەمای دەستوور و کارنامەی حکومەتی نوێی عێراق.
سەرۆکی حکومەت ئاماژەی بەوەدا کە شاندێکی دانوستانکاری حکومەتی هەرێم ئامادەیە سەردانی بەغداد بکات بۆ تاوتوێکردنی کێشەکان و چارەسەرکردنیان لە چوارچێوەی دەستووردا.