سەرۆکی حکومەتی هەرێم رایگەیاند، سازش لەسەر هیچ مافێکی دەستووری خۆمان ناکەین و داکۆکی لەسەر دابینکردنی هەموو ماف و پێداویستییەکانی خەڵکی خۆمان دەکەین.
مەسرور بارزانی، سەرۆکی حکومەتی هەرێمی لەمیانی بەشداریکردنی لە رێوڕەسمی دانانی بەردی بناغەی زانکۆی بەریتانی نێودەوڵەتی لە هەولێر وتی: “لە هەوڵەکانمان بەردەوامین بۆ باشترکردنی بارودۆخی هەرێمی کوردستان، بەتایبەتی لە گفتوگۆکانمان لەگەڵ حکومەتی فیدراڵی بەردەوامین و شاندەکانمان بەردەوام سەردانی بەغدا دەکەن، بۆ چارەسەری هەموو ئەو خاڵانەی کێشەن یان چارەسەری گونجاویان بۆ نەدۆزراوەتەوە”.
سەرۆکی حکومەت، وتیشی: “شاندەکانی ئێمە بەردەوام دەبن لە سەردانکردنی بەغدا، هیوادارین هەردوولا شاند ئاڵوگۆڕ بکەین، تاکو دەگەین بە ئەنجامێک لە کاتێکی دیاریکراودا، چارەسەرکردنی گرفتەکان لە هەر کەرت و سێکتەرێک بێت بێگومان یارمەتیدەرێکی زۆر دەبێت بۆ پەرەپێدانی دۆخی هەرێمی کوردستان لە هەموو روێکەوە”.
مەسرور بارزانی، جەختیکردەوە، کە سازش لەسەر مافە دەستوورییەکانی خەڵکی هەرێم ناکەن و وتی: “ئێمە ناوەستین و ئومێدمان زۆرە، بە پشتیوانی خوا و ئێوەی خۆشەویست، بەبێ ئەوەی سازش لەسەر هیچ مافێکی دەستووری خۆمان بکەین داکۆکی لەسەر دابینکردنی هەموو ماف و پێداویستییەکانی خەڵکی خۆمان دەکەین”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
