مەسرور بارزانی: خوازیاری بەھێزتربوونی پەیوەندییەکانی نێوان ئیمارات و ھەرێمین

مەسرور بارزانی، سەرۆکی حکومەتی هەرێم، بە بۆنەی هەڵبژاردنی محەمەد بن زاید وەک سەرۆکی ئیمارات، پەیامێکی پیرۆزبایی ئاراستە کرد و هیوای سەرکەوتنی بۆ دەخوازێت.

مەسرور بارزانی لە پەیامێکدا لە تۆڕی کۆمەڵایەتی تویتەر پیرۆزبایی لە محەمەد بن زاید کرد و نووسیویەتی: بەبۆنەی هەڵبژاردنی شێخ محەمەد بن زاید، وەک سەرۆکی ئیماراتی یەکگرتووی عەرەبی، گەرمترین پیرۆزبایی ئاراستەی بەڕێزیان دەکەم، خوازیاری بەھێزتربوونی پەیوەندییەکانی نێوان ئیمارات و ھەرێمی کوردستانین. هیوای سەرکەوتنی لە ئەرکەکانیدا بۆ دەخوازم.