مەسرور بارزانی، سەرۆکی حکومەت لە رێوڕەسمی راگەیاندنی ستراتیجی وەرچەرخانی دیجیتاڵی وتارێکی پێشکەشکرد و رایگەیاند، “هەنگاوێکی زۆر گرنگە بەرەو برەودان بە روونی و شەفافیەت و نەهێشتنی بیرۆکراسی و رێگەگرتن لە گەندەڵی و بەهەردەردانی سامانی گشتی”.
مەسرور بارزانی، سەرۆکی حکومەتی هەرێم خۆشحاڵی خۆی بۆ راگەیاندنی پرۆژەکە دەربڕی و وتی، “ستراتیجی وەرچەرخانی دیجیتاڵی کە بەشێکە لە پرۆسەی چاکسازییەکانی کابینەی نۆیەمی حکومەتی هەرێمی کوردستان لە بواری بەدیجیتاڵکردنی خزمەتگوزارییە گشتییەکان و هەنگاونان بەرەو حکومەتی ئەلیکترۆنی”.
ئاماژەی بە ئامانجەکان لەم پڕۆژەیە کرد و رایگەیاند، “ئامانجامان ئەوەیە کە لە دوو تا سێ ساڵی داهاتوودا، واتا تا کۆتایی ساڵی 2025، حکومەتی هەرێمی کوردستان، ببێتە یەکێک لە سەر لیستی حکومەتەکانی ناوچەکە لە بواری بەدیجیتاڵکردن و حکومەتی ئەلیکترۆنی”.
مەسرور بارزانی سوپاسی هاریکاری و هەماهەنگیی شانشینی یەکگرتوو و بەتایبەتی کۆنسوڵی گشتیی بەرتیانیا لە هەولێر(ئەربیل) دەیڤد هانت و تیمەکەی کرد کە رۆڵێکی گرنگییان هەبوو لە بەرهەمهێنانی ئەم ستراتیجیە و هاوکاریکردنی نووسینگەکەی لەو بوارەدا.
مەسرور بارزانی راشیگەیاند، لە داهاتوویەکی نزیکدا و وەک بەشێک لە پرۆسەی بەدیجیتەڵکردنی خزمەتگوزارییە گشتییەکان، سیستەمێکی نوێی تۆمارکردنی کۆمپانیاکان رادەگەیەنین، کە بە شێوەیەکی زۆر ئاسانتر و خێراتر و هەرزانتریش، خاوەنکار و وەبەرهێنەران و خاوەن کۆمپانیاکان، دەتوانن کۆمپانیاکانیان تۆمار بکەن، ئەمەش کاریگەری باشی لە بواری گەشەپێدانی وەبەرهێنان لە هەرێم دەبێت.
سەرۆکی حکومەتی هەرێم پڕۆژەیەکی دیکەی لە بواری دیجیتاڵی ئاشکراکرد، کە بڕیارە لە مانگی داهاتوودا بخرێتەکار، ئەویش سیستەمی ( ڤیزای ئەلیکترۆنی E-visa)ـیە کە بە وتەی سەرۆکوەزیران، کارئاسانییەکی باش دەکات بۆ گەشتیياران و هاتنی خەڵکی بیانی بۆ هەرێم.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
