نوری مالیکی، سەرۆکی هاوپەیمانی دەوڵەتی یاسا رایگەیاند، پێشوازی لە بڕیارەکەی دادگای فیدڕاڵی عێراق دەکات کە پڕۆژەیاسای ئاسایشی خۆراکی بە نایاسایی ناوبردووە، چونکە باوەڕی وایە هەندێک دەیانویست پڕۆژەکە بەکاربهێنن بۆ بەهەدەردانی سامانی وڵات، داواش دەکات بۆ قۆناغی داهاتوو حکومەت و پەرلەمان خۆیان لە هەنگاوی نادەستووری بەدوربگرن.
نوری مالیکی ئەمڕۆ دووشەممە لەپەیامێکدا باسی لەوەشكردووە، بڕیارەکەی دادگای فیدڕاڵی بۆ نایاساییبوونی پڕۆژەیاسای ئاسایشی خۆراک بڕیارێکی دروست بوو، بەئامانجی پاراستنی سامانی گشتی و رێگریکردن لەوەی لەلایەن گەندەڵکارانەوە یاری پێوەبکرێت، پێویستیشە بۆ قۆناغی داهاتوو حکومەت و پەرلەمان خۆیان لە هەنگاوی نادەستووری بەدوربگرن.
ئاماژەی بەوەشکردووە، پێویستە دامەزراندنی خەڵک لە پلە باڵاکانی دەوڵەتدا رابگیرێت، چونکە حکومەتی کاربەڕێکەر دەسەڵاتی دامەزراندن، رێککەوتنی سیاسی، ئابووری و رەوانەکردنی پڕۆژەی بۆ پەرلەمان نیە.
سەرۆکی هاوپەیمانی دەوڵەتی یاسا باوەڕی وایە لەجێگەی پڕۆژەیاسای ئاسایشی خۆراک، حکومەتی عێراق دەتوانێت بوودجە بەشێوەی “سولفە” لە وەزارەتی دارایی وەربگرێت و بۆ دابینکردنی خۆراک بەکاریبهێنێت، سوپاسی دادگای فیدڕاڵیش دەکات بۆ هەوڵەکانی بەئامانجی پاراستنی “پرۆسەی سیاسی لەهەر بۆشاییەک کە دروست دەبێت”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
