وەزارەتی نەوتی عێراق، بڕ و داهاتی نەوتی عێراقی بۆ مانگی تشرینی یەکەمی ئەمساڵ ئاشکرا کرد و ئاماژەی بەوەشکردوە، داهاتەکەی نۆ ملیار دۆلاری تێپەڕاندوە.
وەزارەتی نەوتی عێراق رایگەیاند: لە مانگی تشرینی یەکەمی ئەمساڵدا 104 ملیۆن و 831 هەزار و 120 بەرمیل فڕۆشراوە و داهاتەکەی نۆ ملیار و 281 ملیۆن و 647 هەزار دۆلار بووە.
دەشڵێت، لەو بڕە (102) ملیۆن و 70 هەزار و 427 بەرمیل نەوت لە کێڵگەکانی نەوتی بەسرە و دو ملیۆن و 417 هەزار و 893 بەرمیل لە کێڵگەکانی کەرکوك هەناردەی دەرەوە کراوە.
راشیگەیاند: تێکڕای نرخی بەرمیلێک نەوت فرۆشکراو 88 دۆلار و 53 سەنت بووە.
باسی لەوەشکردووە، 34 کۆمپانیای جیهانی هەستاون بە گواستنەوەی نەوتەکە لە مینای بەسرە و کەنداوی عەرەبی و جیهانی تورکی.
