بڕیارە سبەی، رەجەب تەیب ئەردۆغان، سەرۆكۆماری توركیا، بەسەردانێكی فەرمی بگاتە تاران و كۆبوونەوەیەكی هاوبەش لەگەڵ ڤلادیمێر پوتین سەرۆکی رووسیا و ئیبراهیم رەئیسی سەرۆکكۆماری ئیسلامیی ئێران ئەنجام بدات.
میدیاكانی توركیا بڵاویانكردەوە، سەردانەكەی ئەردۆغان، لەسەر بانگهێشتی فەرمیی ئیبراهیم رەئیسی، سەرۆکكۆماری ئێرانە، بە مەبەستی بەشداریكردن لە حەوتەمین كۆبوونەوەی ئەنجوومەنی هەماهەنگیی ئاست باڵای توركیا – ئێران، كە رۆژانی 18 و 19ی ئەم مانگە، لە تاران بەڕێوەدەچێت.
بەپێی راگەیەندراوێكی فەرمانگەی پەیوەندییەكانی سەر بە سەرۆكایەتی كۆماری توركیا، حەوتەمین كۆبوونەوەی ئەنجوومەنی هەماهەنگیی ئاست باڵای توركیا – ئێران، رۆژی سێشەممە 19-7-2022 بە سەرۆكایەتی رەجەب تەیب ئەردۆغان و ئیبراهیم رەئیسی لە تاران ئەنجام دەدرێت.
لە كۆبوونەوەی ئەنجوومەنەكە، كە بە بەشداریی وەزیرە پەیوەندیدارەكانی هەردوو وڵات رێكدەخرێت، پێداچوونەوە بە سەرجەم لایەنەكانی پەیوەندییەكانی نێوان توركیا – ئێران دەكرێت و هەنگاوەكانی پێشخستنی هەماهەنگیی دوولایەنەش تاوتوێ دەكرێت.
لەبەشێكی دیكەی راگەەیندراوەكەدا هاتووە، سەرۆکكۆماری توركیا، لە هەمان رۆژدا بە بەشداریی ڤلادیمێر پوتین سەرۆكی رووسیا و میواندارێتی سەركۆماری ئێران، بەشداری لە حەوتەمین كۆبوونەوەی لووتكەی سێقۆڵیی بەشێوەی ئاستانا دەكات، كە لە تاران بەڕێوەدەچێت.
پێشبینی دەكرێت لە میانی لووتكەكەدا، راوێژكاریی لەسەر پرسەكانی وەكو؛ دوایین پێشهاتەكانی سووریا، بەرەنگاربوونەوەی تیرۆر و هەوڵەكان بە ئاراستەی چارەسەری سیاسی، دۆخی مرۆیی و گەڕانەوەی ئاوارەكانی سوورییەكان بە شێوەیەكی ئارەزوومەندانە بۆ وڵاتەكەیان، بكرێت.
1
گۆڕانکاری کۆیلایەتی لە رابردووەوە تاوەکو ئەمڕۆ
2
بەربەستەکانی دەوروبەری کەعبەی پیرۆز لادەبرێن
3
ئەمریکا: ژنانی ئێران تەنها لە پێناوی شکۆی خۆیاندا خۆپیشاندان دەکەن
4
نیگەرانییەکانی بەدەستهێنانی وزە لە ئەوڕووپا بەردەوامە و وڵاتەکان چ رێوشوێنێکیان گرتووەتەبەر؟
5
پاکستان… لە رووداوێکی هاتووچۆدا نزیکەی 60 کەس بوونە قوربانی
