شەش مووشەک لە قەزای خەبات کەوتنە خوارەوە

کەمێک پێش ئێستا شەش مووشەک لە نزیک زێی بادینان لە قەزای خەبات کەوتنە خوارەوە.

لە راگەیەندراوێکی پەیجی دژەتیرۆری کوردستان هاتووە "کەمێک پێش ئێستا، شەش مووشەک لە نزیک زێی بادینان لە سنووری قەزای خەبات کەوتنە خوارەوە و هیچ زیانێکی گیانی و ماددی لێ نەکەوتووەتەوە".

ئاماژە بەوەشکراوە، مووشەکەکان لە سنووری ناحیەی بەرتلەی سەر بە قەزای حەمدانییەی پارێزگای نەینەوا ئاراستە کراون.