ئەمڕۆ شەممە 21-01-2023، شانەی راگەیاندنی ئەمنیی ئاماژەی بە کوژرانی دوو تیرۆریست کرد لە پارێزگای کەرکوک
شانەی راگەیاندنی ئەمنیی لە بەیاننامەیەکدا رایگەیاندووە، “لە ئەنجامی بەدواداچوونی بەردەوام لە کۆکردنەوەی زانیاری هەواڵگری، تواندرا لەمیانی ئۆپەراسیۆنێکی ئاسمانیدا دوو تیرۆریست لە باکووری قەزای دوزخورماتوو بکرێنە ئامانج”.
ئەوەش هاتووە، “تائێستا پاڵەوانانی سوپا بە فرمانی فەرماندەیی ئۆپەراسیۆنە هاوبەشەکان بە ناوچەکانی دەوروبەری ئەو شوێنە بڵاوەیان پێکراوە و لە راماڵینی تیرۆریستان بەردەوامن”.
شایەنی باسە، ئۆپەراسیۆنەکە لەرێگەی فڕۆکەی F_16 ئەنجامدراوە و چەندین حەشارگەی تیرۆریستانیش تیایدا کراوەتە ئامانج.