شاندێکی ئەمریکا بەسەرۆکایەتیی یاریدەدەری وەزیری بەرگریی ئەمریکا بۆ کاروباری ئاسایشی نێودەوڵەتیی، سێلیست واڵەندەر گەیشتە ھەولێر.
ئەمڕۆ چوارشەممە ٢١ی ئەیلوولی ٢٠٢٢، شاندێکی ئەمریکا بەسەرۆکایەتیی یاریدەدەری وەزیری بەرگریی ئەمریکا بۆ کاروباری ئاسایشی نێودەوڵەتیی، سێلیست واڵەندەر گەیشتە ھەولێر.
شاندەکەی وەزارەتی بەرگریی ئەمریکا بە گەیشتنی بۆ فڕۆکەخانەی نێودەوڵەتیی ھەولێر، لەلایەن سەرۆکوەزیرانی ھەرێم ، مەسرور بارزانی پێشوازی لێ کرا.
پێشتر نووسینگەی رۆژنامەوانیی سەرۆکوەزیرانی ھەرێم رایگەیاندبوو کە ئەمڕۆ، مەسرور بارزانی پێشوازیی لە شاندێکی ئەمریکا دەکات بەسەرۆکایەتیی یاریدەدەری وەزیری بەرگریی ئەمریکا بۆ کاروباری ئاسایشی نێودەوڵەتیی، سێلیست واڵەندەر.
تا ئێستا ھیچ زانیارییەک لەبارەی ئەجندای سەردانی شاندەکەی وەزارەتی ئەمریکا بڵاونەکراوەتەوە.
بەپێی میدیا خۆجێیەکان چاوەڕوان دەکرێت شاندەکە سەردانی وەزارەتی پێشمەرگە بکات و لە میانیدا لێکتێگەیشتنێک لەنێوان ھەردوولادا لە بواری ئەمنیی و سەربازییدا واژوو بکرێت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
