بڕیارە ئەمڕۆ دووشەممە 11-04-2022، وەزارەتى نەوتى عێراق لەگەڵ شاندێکى باڵاى هەرێم کۆببێتەوە بۆ گفتوگۆکردن لەبارەى میکانیزم و پێوەرى نوێ لە بەڕێوەبردنى دۆسییەی پیشەسازیى نەوت لە هەرێم.
لەو بارەوە وەزارەتی نەوتی عێراق ئەمڕۆ دووشەممە راگەیێندراوێکی بڵاوکردووەتەوە و تیایدا هاتووە، کۆبوونەوە لەنێوان بەرپرسانى ئەو وەزارەتە و شاندێکى باڵاى حکومەتى هەرێم ئەنجام دەدرێت بۆ تاوتوێکردنى جێبەجێکردنی رێوشوێنەکان دوای بڕیارى دادگەى فیدراڵیی عێراق لەبارەى دۆسێیەى نەوتى هەرێم.
وەزارەتى نەوتی عێراق ئاماژەى بەوەشداوە کە لەگەڵ بەرپرسانى هەرێم گفتوگۆ دەکەن بۆ رێککەوتن لەبارەى میکانیزم و پێوەرى نوێ بۆ بەڕێوەبردنی دۆسییەی پیشەسازیى نەوت لە هەرێم لەپێناو “هێنانەکایەى زۆرترین سوود و داهاتى دارایی بۆ خزمەتکردنى بەرژەوەندیی گشتى کە رۆڵى لە بەهێزکردن و پاڵپشتى ئابوورى نيشتمانى و پیشەسازیى نەوت هەبێت”.
شایەنی باسە، لە 15ـى شوباتى 2022، دادگەی باڵاى فیدراڵیی عێراق یاسای نەوت و گازى ساڵى 2007ى هەرێمى بە نادەستووری لەقەڵەمدا و داوایکرد بەرهەمەکانى نەوتى رادەستى بەغداد بکرێت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
