ئەمرۆ پێنجشەممە 22-09-2022، مەسرور بارزانی سەرۆکی حکومەتی هەرێم پێشوازی لە چۆ کیجۆنگ کۆنسوڵی گشتی نوێی کۆریا لە هەرێم کرد.
سەرۆکی حکومەتی هەرێم پیرۆزبایی دەستبەکاربوونی لە چۆ کیجۆنگ کرد و هیوای سەرکەوتنی بۆ خواست، پەیوەندیی مێژوویی و تایبەتی نێوان هەرێم و کۆریا و خواستی خۆی بۆ بەرەوپێشچوونی پەیوەندی دوولایەنەی لە هەموو بوارەکاندا دووپات کردەوە.
لە بەرامبەردا کۆنسوڵی گشتیی کۆریا وێڕای خستنەڕووی کورتەیەک دەربارەی کار و چالاکییەکانیان لە هەرێم سوپاسی لایەنە پەیوەندیدارەکانی حکومەتی هەرێمی کرد بۆ هاریکاری و هەماهەنگیی باشیان لەگەڵ کۆنسوڵخانەی وڵاتەکەی.