ئەمڕۆ سێشەممە 17-05-2022، مەسرور بارزانی، سەرۆکی حکومەتی هەرێم پێشوازی لە لوکاس گەسەر، باڵیۆزی سویسرا لە عێراق و ئوردن کرد، کە بەبۆنەی کۆتاییهاتنی ئەرکەکانی سەردانی کردبوو.
لەمیانی دیدارەکەدا گفتوگۆ دەربارەی دۆخی گشتیی عێراق و هەوڵەکانی پێکهێنانی حکومەتی نوێی عێراق و پەرەپێدانی پەیوەندییەکانی نێوان هەرێم و سویسرا کرا.
سەرۆکی حکومەت سوپاسی باڵیۆزی سویسرای کرد بۆ هەوڵ و کارەکانی لە پێناو برەودان بە پەیوەندییەکانی وڵاتەکەی لەگەڵ عێراق و هەرێم، هیوای سەرکەوتنیشی بۆ خواست لە ئەرکەکانی داهاتوویدا.