ڤلۆدیمێر زیلینسکی، سەرۆکی ئۆکرانیا لە کیێڤی پایتەخت بۆ یەکەمجار دوای هەڵگیرسانی جەنگ لەگەڵ رووسیا، گەڕایەوە کۆشکی سەرۆکایەتی و لە گرتەیەکی ڤیدیۆییدا پەیامێکی ئاڕاستەی رۆژئاوا کرد و تیایدا رایگەیاندووە، “ڤلادیمیر پوتین، سەرۆکی رووسیا نیازی نییە هێرشەکانی بۆسەر ئۆکرانیا بوەستێنێت و پەل بۆ وڵاتانی هاوپەیمانی ئەتڵەسی باکوور(ناتۆ) داوێت”.
لەمیانی گرتە ڤیدیۆکەدا دەردەکەوێت کە زیلینسکی چەند کۆمێنتێک بە زمانی ئینگلیزی ئاڕاستەی جیهان بە گشتی و رووسیا بە تایبەت دەکات و رایدەگەیێنێت، “من لە کیێڤ و لە بانکۆڤا(بنکەی سەرەکی سەرۆکایەتی)ـم، لە هیچ کەسێک و لایەنێک ناترسم و هەموو هەوڵێک دەدەم بۆ سەرکەوتن لەم جەنگەدا”.
شایەنی باسە، ئەمە یەکەم دەرکەوتنی سەرۆکی ئۆکرانیایە لە سەرەتای سەرهەڵدانی جەنگی گەرمی نێوان رووسیا – ئۆکرانیا کە لە 24ـی مانگی رابردووەوە زەنگی بۆ لێدرابوو. کە سەرۆکی ئۆکرانیا داوای لە وڵاتانی رۆژئاوا و ئەمریکا کردبوو، ئابلووقەی ئاسمانی بخەنە سەر فڕۆکەکانی رووسیا و رێگری لە بۆردومانکردنی وڵاتەکەی بگرن، کەچی ئەم داواکارییەی جێبەجێ نەکرا.
1
گۆڕانکاری کۆیلایەتی لە رابردووەوە تاوەکو ئەمڕۆ
2
بەربەستەکانی دەوروبەری کەعبەی پیرۆز لادەبرێن
3
ئەمریکا: ژنانی ئێران تەنها لە پێناوی شکۆی خۆیاندا خۆپیشاندان دەکەن
4
نیگەرانییەکانی بەدەستهێنانی وزە لە ئەوڕووپا بەردەوامە و وڵاتەکان چ رێوشوێنێکیان گرتووەتەبەر؟
5
پاکستان… لە رووداوێکی هاتووچۆدا نزیکەی 60 کەس بوونە قوربانی
