سەرایا سەلام: تەقینەوەکە بەهۆی دزەکردنی ئۆکسجینی پزیشکی بووە
راگەیاندنی سەربازی لیوای 301ـی نەجەف رایگەیاند، تەقینەوەکە بەهۆی دزەکردنی ئۆکسجینی پزیشکییەوە روویداوە.
لەراگەیەندراوێکدا راگەیاندنی سەربازی لیوای 301ـی نەجەف ئاماژەی بەوەکردووە، "ئاگر لە یەکێک هۆڵەکانی بارەگای لیوای 301 روویداوە و لەکاتی هەوڵی کوژاندنەوەی ئاگرەکە لەلایەن هێزەکانی بەرگری شارستانی، بەهۆی دزەکردنی ئۆکسجینی تایبەت بە پزیشکی سەربازییەوە تەقینەوەیەک روویداوە. بەهۆی تەقینەوەکەوە چەند کەسیک برینداربوون".
کەمێک بەر لە ئێستا تەقینەوەیەک لە ساری نەجەف روویدا و سەرچاوە میدیاییەکان باس لەوە دەکەن کە لەئەنجامدا حەوت کەس گیانی لەدەستداوە و سێ کەسیش برینداربوون. بەڵام سەرایا سەلام ئاماژەی بە گیان لەدەستدان نەداوە.