سوپای عێراق، لەبارەی هێرشی مووشەکیی بۆسەر بنکەی ئاسمانیی بەلەد لە پارێزگای سەڵاحەددین رایگەیاند، هێرشەکە هیچ زیانێکی گیانی و ماددی لێنەکەوتووەتەوە.
شانەی راگەیاندنی ئەمنی سەربە نووسینگەی سەرۆکوەزیرانی عێراق بڵاوی کردەوە، کردەوەی گرووپە تیرۆریستییە تاوانبارەکان بەبێ سزادان و لێپیچینەوەی یاسا تێناپەڕێت.
باس لەوە کراوە “ئەو چەتانە کە نایانەوێت سەقامگیریی لە عێراقدا هەبێت، ئێوارەی ئەمڕۆ، چوار مووشەکیان لە بەرەی ناوچەی خاڵسەوە ئاراستەکرد و لە بۆشایی کراوەدا لە بنکەی ئاسمانیی بەلەد کەوتنەخوارەوە کە ئەو فڕۆکە عێراقیانەی تێدایە کە شەڕی تیرۆریستان دەکەن و حەشارگەکانی تیرۆریستان لەناودەبەن و رۆڵی سەرەکیان هەیە ئۆپەراسیۆنە سەربازییەکانی عێراقدا”.
لە راگەیەندراوەکەدا ئەوەش خراوەتەڕوو کە هەرچەندە هێرشە مووشەکییەکە هیچ زیانێکی گیانی و ماددیی نەبووە، بەڵام لایەنە پەیوەندیدارەکان لە دەزگا ئەمنییەکان بەدوای ئەو کەسانەدا دەگەڕێن کە ئەم کردەوە تیرۆریستییە ترسنۆکانەیه‌یان ئەنجام داوه.
1
دابەشكردنی مووچە دەستپێدەكاتەوە
2
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
3
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
4
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
5
مەسرور بارزانی: پاڵپشتی خۆم بۆ بریندارانی هێرشه مهترسیدارهکەی شاری جەددە رادهگهیهنم
