سه‌رۆكوه‌زیرانى نوێى عێراق به‌نیازه بڕى دوو ملیۆن و نیو له مووچه‌ى سه‌رجه‌م وه‌زیره‌كان ببڕێت و 20 باڵیۆزخانه‌ى عێراق له 20 وڵاتى جیاواز دابخات.
ئه‌مڕۆ پێنجشه‌ممه 17ى تشرینى یه‌كه‌م، رۆژنامه‌ى مه‌دا له‌سه‌ر زارى چه‌ند سه‌رچاوه‌یه‌كه‌وه ئاشكرایكرد، “به‌هۆى ئه‌وه‌ى هاووڵاتى عێراقى له‌و وڵاتانه ناژین یانیش ژماره‌یان زۆر كه‌مه محه‌مه‌د شیاع سوودانى بڕیاریداوه 20 باڵیۆزخانه له 20 وڵاتى جیاواز دابخات”.
به‌پێى زانیارییه‌كانى رۆژنامه‌كه، “خه‌رجى باڵیۆزخانه‌كان 200 ملیار دیناره و باڵیۆزخانه‌ی عێراق له كینیا یه‌كێكه له‌و باڵیۆزخانانه كه 30 كارمه‌ندى هه‌یه، ئه‌مه به‌زانینى ئه‌و راستیه‌ى كه ته‌نیا چوار هاووڵاتى عێراقى له‌و وڵاته هه‌یه”.
به‌پێى رۆژنامه‌كه، “كه‌مكردنه‌وه‌ى مووچه‌ى وه‌زیره‌كان به‌شێكى تره له پلانه‌كه‌ى محه‌مه‌د شیاع سوودانى، چونكه ئه‌و سه‌رۆكوه‌زیرانه نوێیه بڕیاریداوه له مووچه‌ى هه‌ر وه‌زیرێک یان هه‌ر كه‌سێكى تر كه ئه‌و پله‌یه‌ى هه‌یه دوو ملیۆن و نیو دینار كه‌مبكاته‌وه”.
رۆژنامه‌كه له‌سه‌ر زارى یه‌كێک له وه‌زیره‌كانى كابینه‌كه‌ى سوودانى كه نه‌یویستووه ناوه‌كه‌ى ئاشكرا بكات ئه‌وه‌شى خستووه‌ته‌ڕوو، “مووچەی وەزیر 6 ملیۆن و 500 هەزار دینارە به‌مشێوه‌یه، 4 ملیۆن مووچەى بنەڕەتى، دوو ملیۆن و 500 هەزار دینار دەرماڵە. مووچه‌ى بریکاریش 6 ملیۆن و 800 هەزار دینارە، سەرۆکایەتییەکانیش 10 و 11 و 12 ملیۆن دینار، لە بڕوانامەی بەکالۆریۆسەوە تا دکتۆرا”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
