سبەی یەکشەممە لەم پارێزگایەی عێراق پشووی فەرمی دەبێت

ئەمڕۆ شەممە پارێزگای واست رایگەیاند، سبەی یەکشەممە لە گشت دامودەزگاکانی حکومەت پشووی فەرمی دەبێت.

محەمەد جەمیل میاجی، پارێزگاری واست لە بەیاننامەیەکدا رایگەیاند، "پارێزگای واست بڕیاریدا سبەی یەکشەممە 25-09-2022، بەبۆنەی کۆچی دوایی پێغەمبەری مەزن(دروودی خوای لەسەربێت) بکرێتە پشووی فەرمی".

ئەمە لە کاتێکدایە کە پێشتر پارێزگای میسان، نەجەف، کەربەلا و موسەننا بە هەمان بۆنەوە، پشووی فەرمیان راگەیاندبوو.