پارێزگای دیالە، بۆ سبەی پێنجشەممە پشووی فەرمی لە گشت دامودەزگا حکومییەکان رایگەیاند.
لە بڵاوکراوەیەکدا پارێزگای دیالە رایگەیاندووە، بەهۆی بەرزبوونەوەی پلەکانی گەرما، سبەی پێشنجشەممە 4ـی ئابی 2022، لە گشت دامودەزگا حکومییەکانی سنووری پارێزگاکە پشووی فەرمی دەبێت.
جێی باسە، ئەمڕۆ چوارشەممە، دەستەی کەشناسی عێراق بڵاویکردووەتەوە، پلەکانی گەرمای سبەی پێنجشەممە، بەراورد بە ئەمڕۆ لە ناوچەکانی ناوەڕاست بەرزبوونەوە بەخۆیانەوە دەبینن و لە ناوچەکانی باشووریش بەرزبوونەوەی بەرچاو لە پلەکانی گەرما تۆماردەکرێت.
