زیقار: هێرشی چەکداری کرایە سەر بارەگایەکی سەرایا سەلام

له‌ پارێزگای زیقار له‌لایه‌ن گرووپێكی چه‌كداره‌وه‌، هێرشكرایه‌ سه‌ر باره‌گایه‌كی سه‌رایا سه‌لامی سه‌ر به‌ باڵی سه‌ربازی ره‌وتی سه‌در.

ئه‌مڕۆ هەینی 02-09-2022، میدیا عێراقییه‌كان بڵاویانكرده‌وه‌، گرووپێكی چه‌كداری‌ نه‌ناسراو به‌ چه‌كی قورس هێرشیانكردووه‌ته‌ سه‌ر باره‌گایه‌كی سه‌رایا سه‌لام‌ و ده‌ستبه‌جێ له‌لایه‌ن هێزه‌كانی سه‌رایا سه‌لامه‌وه‌ به‌رپه‌رچدراونه‌ته‌وه‌.

له‌و رووبه‌ڕووبوونه‌وه‌یه‌دا هیچ زیانێكی گیانی نه‌بووه‌ و چه‌كداره‌كان ناچاربوون به‌ره‌و شوێنێكی نادیار پاشه‌كشه‌بكه‌ن.