زاخۆ.. بە ئامادەبوونی سەرۆکی حکومەت بەردی بناغەی چەند پرۆژەیەک دادەنرێت

ئەمرۆ سێشەممە 27-09-2022، کاتژمێر 10:30، بە ئامادەبوونی مەسرور بارزانی، سەرۆکی حکومەتی هەرێم، لە سنووری ئیدارەی سەربەخۆی زاخۆ، بەردی بناغەی چەند پرۆژەیەکی خزمەتگوزاری بە گوژمەی 26.5 ملیار دینار دادەنرێت.

پڕۆژەکان بریتین لە:

• دروستکردنی جووتسایدی ئیبراھیم خەلیل - باچیکا.
• دروستکردنی جادەی سەرەکی جووتساید لە ناحیەی دەرکار.
• دروستکردنی جووتسایدی باتیفا.
• دروستکردنی قوتابخانەیەک لە گەڕەکی ئەردەوان لە زاخۆ.
• دروستکردنی قوتابخانە لە گوندی دەشتمرێ.
• نۆژەنکردنەوەی بازاڕی کۆنی زاخۆ.