ئاگادارییەك لە پاسپۆرتی هەولێر (ئەربیل) بۆ هاوڵاتییان
له ئاگادارییه‌كه‌ی پاسپۆرتی هه‌ولێر (ئەربیل)، كه ئه‌مڕۆ یه‌كشه‌ممه 5ـی كانوونی دووەمی 2025، بڵاوكراوه‌ته‌وه و تیایدا ئاماژه به‌وه كراوه، ئاگاداری هاوڵاتیان دەکەینەوە کەوا وەرگرتنی مامەڵەی پاسپۆرتی جۆری A سیستەمی کۆن وەستاوە، هاوڵاتیان تەنها دەتوانن دوای دانانی نۆڕە پاسپۆرتی نوێی ئەلیکترۆنی جۆری B دەربهێنن.
ئاماژه به‌وه‌ش كراوه، ئەو هاوڵاتیانەی کە لە ماوەی پێشوودا پەنجەمۆریان کردبوو تەنها وەرگرتنەوەیان مابوو لە پاسپۆرتی جۆری A، دەتوانن سەردانمان بکەن بۆ وەرگرتنەوەی پاسپۆرتەکانیان.
له كۆتاییدا پاسپۆرتی هه‌ولێر (ئەربیل) ئاماژه‌ی به‌وه‌ش داوه، دانەوەی پاسپۆرتی جۆری A لە بەرێوەبەرایەتییه‌كه‌مان لە گەرەکی 32 پارک پشت بەشی مۆڵەتی هاتووچۆی هەولێر (ئەربیل)، لە رۆژانی دەوامی فەرمی ده‌بێت.