راگەیەندراوی وەزارەتی پێشمەرگە لەبارەی هێرشە مووشەکیەکەی خەبات
ئێوارەی ئەمرۆ چەند مووشەکێک لە سنوری قەزای خەبات کەوتنە خوارەوە.
ئێوارەی ئەمرۆ چەند مووشەکێک لە سنوری قەزای خەبات کەوتنە خوارەوە.
وەزارەتی پێشمەرگەی هەرێم لەبارەی هێرشەکە راگەیەندراوێکی بڵاوکردەوە و ئاماژەی بەوە کرد کە لێکۆڵینەوە لەمبارەیەوە دەستیپێکردووە.
دەقی راگەیەندراوەکە:
ئێوارەی ئەمڕۆ ١ی ئایاری ٢٠٢٢، جارێکی تر گروپەکانی دەرچوو لەیاسا، لەناحیەی بەرتلەی قەزای حەمدانییەی پارێزگای نەینەواوە، شەش مووشەکیان ئاراستەی سنووری قەزای خەبات کرد.
موشەکەکان لەنێوان زێی گەورە و قەزای خەبات کەوتوونەتە خوارەوە.
بەپێی زانیارییەکان، هیچ زیانێکی گیانی بەدوادا نەهاتووە، .
لە ئێستادا لێکۆڵینەوەکان لەمبارەیەوە دەستیان پێکردووە.
شایانی باسە، ئەمە چەندین جارە لەو ناوچەیەوە، موشەکی کاتیۆشا ئاراستەی قەزای خەبات دەکرێن،
شانەی راگەیاندن و هۆشیاری پێشمەرگە
١ی ئایاری ٢٠٢٢