وەزارەتی ناوخۆی عێراق، دەستگیرکردنی شەش تیرۆریستی “مەترسیدار”ی داعشی لە باکووری ئەو وڵاتە راگەیاند.
ئاژانسی ھەواڵگریی و لیکۆڵینەوەی فیدراڵیی سەربە وەزارەتی ناوخۆی عێراق لە راگەیەندراوێکدا ئاماژەی بەوەداوە کە لە میانی زنجیرەیەک ئۆپەراسیۆنی ھێزەکانیاندا لە ژمارەیەک ناوچەی سەربە پارێزگای سەڵاحەددین، شەش تیرۆریستی “مەترسیدار”ی داعش دەستگیرکراون.
راشیگەیاندووە، تیرۆریستە دەستگیرکراوەکان لە میانی لێکۆڵینەوە بەراییەکاندا، دانیان بەوەدا ناوە کە لە ساڵی ٢٠١٤وە پەیوەندییان بە رێکخراوی تیرۆریستیی داعشەوە کردووە.
باسی لەوەش کردووە کە پێنج لە تیرۆریستە دەستگیرکراوەکان، لەبەناو دیوانەکانی (فێرکردن، زەکات، مزگەوتەکان، باڵی مەدەنی سەربە ویلایەتی نەینەوا و خولی راھێنانەکانی رێکخراوەکە) کاریان کردووە، ئەوەی شەشەمیش چەکدار بووە.
لە راگەیەندراوەکەدا، ئەوەیش خراوەتەڕوو کە تیرۆریستە دەستگیرکراوەکان لە ماوەکانی رابردوودا، بەشدارییان کردووە لە ئەنجامدانی چەندین پەلاماری تیرۆریستی بۆسەر ھێزە ئەمنییەکان لە پارێزگای سەڵاحەددین.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
