داعش لە سنووری خانەقین دەستڕێژی گولـلە دەکات و بەهۆیەوە دوو کەس دەبنە قوربانی
ئەمڕۆ دووشەممە 27-02-2023، لە سنووری قەزای خانەقین، تیرۆریستانی داعش، دەستڕێژی گولـلەیان لە دوو كەس كرد و لە ئەنجامدا كەسێكیان شەهید بوو.
بەپێی زانیارییە سەرەتاییەکان، تیرۆریستانی داعش لە نزیک دەریاچەی حەمرین، سەر بە ناحیەی سەعدیە، تەقەیان لە دوو كەس كردووە و لە ئەنجامدا یەكێكیان شەهید و ئەوی تریان برینداربووە.
جێی باسە، جموجۆڵی داعش لە دەوروبەری دەریاچەی حەمرین بەردەوام هەیە و ناوە ناوە بەتایبەت ئەوانەی كە بە مەبەستی راوی ماسی دەڕۆنە دەریاچەكە دەیانكوژن، یاخود دەیانڕفێنن.