ئەمڕۆ سێشەممە، دادگەی باڵای فیدڕاڵی لەمیانی دانیشتنی تایبەت بە دۆسیەی 32ـی فیدڕاڵی سەبارەت بە بەرزبوونەوەی نرخی دۆلار بەرامبەر دینار، بڕیاریدا بانگهێشتی هەریەک لە وەزیری دارایی و بەڕێوەبەری بانکی ناوەندی عێراق بکات بۆ دانیشتنی دادگە سەبارەت بە بەرزبوونەوەی نرخی دۆلار بەرامبەر دینار.
دادگەی باڵای فیدڕاڵی ئابووریناسان باسم جەمیل و عەبدولرەحمان نەجم رادەسپێرێت بۆ ئەوەی بەدواداچوون پەیوەست بە بەرزبوونەوەی نرخی دۆلار بەرامبەر دیناری عێراقی بکەن.
شایەنی باسە، داگەی فیدڕاڵی بڕیاریدا دانیشتنی ئەمڕۆ بۆ رۆژی 14-3 بە بەژداریکردنی هەریەک لە وەزیری دارایی و بەڕێوەبەری بانکی ناوەندی دوابخات.