دادگەی رەسافە سزای زیندانی تاهەتای بەسەر 3 تۆمەتبار سەپاند
ئەمڕۆ یەکشەممە، دادگەی تاوانی رەسافە سزای زیندانی تاهەتای بەسەر 3 تۆمەتباری مەدەنیدا سەپاند کە لە بەغدادی پایتەخت بازرگانیان بە ماددەی هۆشبەر دەکرد.
بەپێی زانیارییە سەرەتاییەکان، ئەو 3 تۆمەتبارە بڕێکی زۆر ماددەی هۆشبەریان پێبووە و لەکاتی بازرگانیکردن بەو ماددانە دەستگیرکراون و سزای زیندانی تاهەتایان بەسەردا سەپێندراوە.
جێی باسە 3 تۆمەتبارەکە بە ماددەی 28ـی یاسای سزادانی ماددە هۆشبەرەکان ژمارە 50ـی ساڵی 2017 سزادراون.