مه‌سرور بارزانی، سه‌رۆكی حكومه‌تی هه‌رێم بڕیاری دا، به رێژه‌ی %50 داشكان بۆ نرخی كرێی كاره‌بای فڕنه‌كانی نان و نانپێژه‌كان بكرێت.
نووسینگەی سەرۆکی حکومەتی هەرێم له راگه‌یه‌ندراوێكدا، كه ئێواره‌ی ئه‌مڕۆ سێشه‌ممه (5ی نیسان 2022) بڵاویكرده‌وه، رایگه‌یاند، ئه‌و بڕیاره دوای دیداری راسته‌وخۆی سه‌رۆكی حكومه‌ت له‌گه‌ڵ نوێنەرانی فڕن و نانپێژەکان هات.
هه‌روه‌ها هاتووه، له‌و دیداره‌دا، سه‌رۆكی حكومه‌ت بەدواداچوونی بۆ کێشە و داواکاریی فڕن و نانپێژەکان كرد.
نووسینگه‌كه روونیكردووه‌ته‌وه، بڕیاره‌كه هه‌وڵێكی حكومه‌تی هه‌رێمی كوردستانه لە پێناو رووبەڕووبوونەوەی لێکەوتەکانی گرانبوونی ئارد لە بازاڕەکانی جیهاندا.
به گوێره‌ی بڕیاره‌كه‌ی سه‌رۆكی حكومه‌ت، لایەنە پەیوەندیدارەکان راسپێردراون بۆ جێبەجێکردنی بڕیاره‌كه تا بارگرانیی دارایی لەسەر خاوەن فڕن و نانپێژەکان کەمبکرێتەوە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
