تەرمی ئەو کوڕە دۆزرایەوە کە لەلایەن باوکییەوە کوژرا و تەرمەکەی فڕێدرایە نێو زێی گەورە، وتەبێژی بەرگریی شارستانیی هەولێر(ئەربیل) رایگەیاند، لە رۆژی رووداوەکەوە تیمەکانیان بە دوای تەرمەکەیدا گەڕاون.
ئەمڕۆ دووشەممە، 30-05-2022، سەرکەوت کاڕەش، وتەبێژی بەرگریی شارستانیی هەولێر بە میدیا خۆجێیەکانی راگەیاند، بەیانی ئەمڕۆ تەرمی هاونیشتیمانی ‘سوفیان سلێمان’، لەلایەن تیمەکانی بەرگریی شارستانی هەولێر لە زێی گەورە دۆزرایەوە.
رۆژی هەینی 27-05-2022، هۆگر عەزیز، وتەبێژی پۆلیسی هەولێر لە کۆنگرەیەکی رۆژنامەوانیدا رایگەیاند، لە قەزای خەبات باوکێک کوڕەکەی خۆی کوشتووە و تەرمەکەشی فڕێداوەتە ناو زێی گەورە، لەبارەی هۆکاری کوشتنی کوڕەکەی بە پۆلیسی هەولێری وتبوو، ئەو “کەسێکی خراپ بووە” و کێشەی زۆری بۆ دروستکردووە.
رووداوەکە رۆژی پێنجشەممە 26-05-2022 ئەنجامدراوە و پۆلیس بە کەمتر لە 24 کاتژمێر تاوانەکەی ئاشکراکرد و تۆمەتباریش رادەستی دادگە کرا.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
