شەپۆلێکی خۆڵبارین هەرێم و ناوچەکانی عێراقی گرتووەتەوە. بەڕێوەبەرایەتیی کەشناسی و بوومەلەرزەزانی هەرێمیش پێشبینییەکانی بۆ 48 کاتژمێری داهاتوو بڵاوکردەوە و رایگەیاند، سبەی هەینی لە هەندێ ناوچە نمەباران، لە هەندێ ناوچەی دیکە تاوەباران دەبارێت و خۆڵبارینیش بەردەوامدەبێت.
شەپۆلێکی خۆڵبارین هەرێم و ناوچەکانی عێراقی گرتووەتەوە. بەڕێوەبەرایەتیی کەشناسی و بوومەلەرزەزانی هەرێمیش پێشبینییەکانی بۆ 48 کاتژمێری داهاتوو بڵاوکردەوە و رایگەیاند، سبەی هەینی لە هەندێ ناوچە نمەباران، لە هەندێ ناوچەی دیکە تاوەباران دەبارێت و خۆڵبارینیش بەردەوامدەبێت.
ئەمڕۆ پێنجشەممە 7-4-2022 بەڕێوەبەرایەتیی کەشناسی و بوومەلەرزەزانیی هەرێم رایگەیاند، بەرزبوونەوەی تۆز و خۆڵ و خێرایی با تاوەکو ئێوارە بەردەوامدەبێت.
لەبارەی پێشبینییەکان بۆ سبەی هەینی لە پارێزگای هەولێر(ئەربیل)، کەشناسی ئاماژەی بەوەکردووە، ئاسمان لەنێوان هەور و نیمچەهەوردا دەبێت، لەگەڵ چالاکبوونی هەوری برووسکە و تاوەباران لە ناوچە جیاجیاکانی پارێزگاکە، کاریگەریی زیاتر دەبێ لە ناوچە شاخاوییەکان، هەروەها لە دوای نیوەڕۆوە، تۆز و خۆڵ و چالاکبوونی خێرایی با، باشوور و سەنتەری شار دەگرێتەوە و تاوەکو نیوەی شەو کاریگەرییەکەی بەردەوامی دەبێت.