بەهۆی تەقینەوە لە کافتریایەکی سلێمانی 14 کەس برینداربوون
بەرەبەیانی ئەمڕۆ پێنجشەممە، 12-5-2022، بەهۆی تەقینەوەی سیستمی غاز لە کافتریایەکی شەقامی سالمی سلێمانی 14 کەس برینداربوون کە بەشێکیان برینەکانیان سەختە و پێویستیان بە نەشتەرگەرییە.
سامان لەتیف، وتەبێژی تەندروستیی سلێمانی رایگەیاند، ژمارەی بریندارەکان گەیشتوونەتە 14 بریندار و تەندروستییان جێگیرە. چوار لە بریندارەکان بەهۆی سوکیی برینەکانیان رەوانەی ماڵەوە کراون، ئەوانی دیکە لە نەخۆشخانەن، بەڵام چوار کەسیان پێویستیان بە نەشتەرگەرییە.