سەرۆکكۆماری عێراق جەخت لەسەر پێویستی پڕکردنەوەی بۆشاییە ئەمنییەکان و بەگژداچوونەوەی تیرۆر لە پێناو بەرقەرارکردنی ئاسایش و پاراستنی سەقامگیری هاووڵاتیان و فشار خستنەسەر پاشماوەکانی تیرۆریستان دەکاتەوە.
به‌پێی راگه‌یه‌ندراوێكی سه‌رۆكایه‌تی كۆماری عێراق، د. بەرهەم ساڵح، سەرۆککۆماری عێراق، ئەمڕۆ دووشەممە 09-05-2022 لە کۆشکی سەلام لە بەغداد پێشوازیکرد لە جومعە عیناد، وەزیری بەرگری عێراق و لەدیدارەکەدا باس لەبارودۆخی ئەمنی وڵات و هەوڵە بەردەوامەکانی هێزە چەکدارەکان کرا بۆ ریشەکێشکردنی پاشماوەکانی تیرۆر، لەوبارەیەوە وەزیری بەرگری پێشکەوتنەکانی ئۆپەراسیۆنە سەربازییە بەردەوامەکانی بۆ سەرۆککۆمار روونکردەوە سەبارەت بە رووبەڕووبوونەوەی تیرۆر و چەسپاندنی ئاسایش و ئارامی.
لەمیانی دیدارەکەدا بەرهەم ساڵح، سەرۆککۆماری عێراق ستایشی هەوڵەکانی هێزە ئەمنییەکان کرد بۆ دەستگیرکردنی ژمارەیەک سەرکردە و ئەندامی تیرۆریستان، ھاوکات دووپاتیکردەوە لەگرنگی پشتیوانیکردن لە ھێزە ئەمنییەکان بۆ رووبەڕووبوونەوەی پاشماوەکانی داعش.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
