بوومەلەرزەیەک لە قەزای خانەقین روویدا
بەرەبەیانی ئەمڕۆ هەینی، بوومەلەرزەیەک بە گوڕی 3.6 پلە لە قەزای خانەقین روویدا و هیچ زیانێکی بەدواوە نەبوو.
بەڕێوەبەرایەتی کەشناسی و بوومەلەرزەزانی هەرێم بڵاویکردووەتەوە، بەرەبەیانی ئەمڕۆ کاتژمێر(3:58) خولەکی بەیانی بوومەلەرزەیەک بە گوڕی (3.6) پلە بە پێوەری رێختەر لە قەزای خانەقین روویداوە.
ئەوەش هاتووە، بوومەلەرزەکە لە دووری 22 کیلۆمەتر لە قەزای خانەقین و بە قووڵایی 11 کم روویداوە و هیچ زیانێکی بەدواوە نەبووە.