شەوی رابردوو بوومەلەرزەیەک بەگوڕی 4.9 پلە بە پێوەری رێختەر لە پارێزگای ئەرزەڕۆم لە تورکیا روویدا.
سه‌رۆكایه‌تیی فه‌رمانگه‌ی به‌ڕێوه‌بردنی كاره‌سات و باری له‌ناكاوی تورکیا (AFAD) لە راگەیەنراوێکدا ئاماژەی بەوەکردووە، درەنگانێکی شەوی رابردوو بوومەلەرزەیەک بەگوڕی 4.9 پلە بە پێوەری رێختەر لە شارۆچکەی چاد لە پارێزگای ئەرزەڕۆم روویداوە.
ئەوەش هاتووە، قوڵایی بوومەلەرزەکە 6.99 کیلۆمەتر بووە، سەرەڕای ئەوەش تائێستا هیچ زیانێکی گیانی و ماددی لەلایەن دەسەڵاتی ئەو وڵاتەوە نەخراوەتەڕوو.
